Hare në Shtëpinë e Big Brother

Tek
banorët në kopësht, shkojnë dhe Marieli dhe Ergysi. Ermela dyshon se
ata të dy janë duke kryer një mision dhe i pyet djemtë për këtë, por ata
e mohojnë. “S’ju zë më besë këtyre”, thotë Ermela.
Vëllai i Madh vendos muzikë në sfond dhe banorët fillojnë të këndojnë
njëzëri, ndërsa Alma çohet dhe kërcen e vetme. Më vonë çohen edhe
banorët e tjerë dhe kërcejnë nën tingujt e muzikës popullore shqiptare.
Marieli hyn në sallon, ku ndodhet edhe Ogreni dhe Neda dhe hanë drekë
së bashku, duke biseduar. Marieli thotë se do të dëshironte shumë të
kishte pasur një motër. Ai thotë se adoptimi nuk mund të jetë asnjëherë
nëjsoj si “gjaku yt”. Ai mendon se do të vijë një moment që fëmija që ke
adoptuar, nuk do të të pranojë si babain e vërtetë.
Më pas të gjithë dalin në oborr dhe kërcejnë të bashkuar këngët
popullore që Vëllai i Madh i vendos njëra pas tjetrës. Në shtëpi
krijohet një atmosferë shumë e këndshme. Banorët këndojnë dhe kërcejnë
valle për minuta me radhë.
Ata falënderojnë Vëllain e Madh dhe thonë se janë kënaqur shumë përgjatë këtyre orëve.