iPhone 4 zgjidhet telefoni i vitit

Përderisa Apple nuk është paraqitur në ngjarjen kryesore në
botë për risitë teknologjike Mobile World Congress 2011, e cila po
mbahet në Barcelonë, duket se këta të fundit nuk kanë harruar ta
shpërblejnë prodhuesin e iPhone, kompaninë Apple.
Sipas disa raportimeve në mediat botërore, thuhet se iPhone 4 është
zgjedhur telefoni i vitit në këtë ngjarje, ku të pranishëm janë
pothuajse të gjithë prodhuesit botëror të telefonave mobil.
Çmimi tjetër është dhënë për kompaninë tajvaneze HTC, e cila është
zgjedhur prodhuesi më i mirë i vitit, ndërsa Rovio Mobile e ka zënë
vendin e parë në segmentin e lojërave, pas sensacionit të madh që e ka
arritur me lojën Angry Birds.
Me siguri se prodhuesit e njohur si HTC, Motorola, Sony dhe shumë të
tjerë nuk do të jenë të kënaqur që telefoni i tyre nuk është zgjedhur si më i miri, e sidomos kur merret parasysh mungesa e kompanisë Apple në
këtë ngjarje.