Facebook me -> reklama të mençura <- që lidhen me statusin

Duket se Facebook ka filluar testimin publik të reklamave të cilat
bazohen dhe targetojnë statuset dhe postimet e murit nga përdoruesit.
Kjo është një risi e cila është pritur për më shumë se një vit, ndërsa
tani duket se këtë metodë të re reklamimi do ta shohim së shpejti në
Facebook.
Forma e re e reklamave do të reagojë në fjalët specifike të cilat
përdoruesit e këtij rrjeti i vendosin në freskimet e tyre të statusit.
Kështu, në vend të paralajmërimit të reklamës në formë të tekstit të
sponsoruar, të cilat deri më tani i kemi parë, Facebook është duke e
testuar versionin e ri të reklamave të cilin do ta quaj, “Related
Adverts”.
Edhe pse ende nuk dihet saktë se si do të funksionojë kjo metodë e re
e reklamimit, Facebook thotë se reklamat do të jenë të lidhura me
statuset dhe freskimet që përdoruesit i bëjnë në to.
Për më tepër, Facebook ka deklaruar se kjo mundësi e reklamave që
lidhen me statusin e përdoruesit, për momentin është në fazë testuese,
dhe se rrjeti social do të na njoftojë për implementimin final të këtij
projekti