Ervini, unazë diamanti 6500 euro për Ermelën

Pas dërgimit të “pajës” brenda shtëpisë së “Big Brother” nga një
bluzë e zgjedhur nga Ervini për Ermelën me një letër nga e ëma e këtij
të fundit, Ervini i “Big Brother Albania 4” ka vendosur të finalizojë
historinë e tij të dashurisë me Ermelën. Vendimi është marrë rreth orës
21:30 të mbrëmjes së djeshme, ku Ervini ka vendosur t’i japë
përfundimisht fund beqarisë duke blerë unazën, me të cilën do t’i
propozojë Emrelës.

Edhe kjo nuk është një unazë dosido, por një unazë e blerë plot 6500
euro në një prej argjendarive më luksoze të zonës së ish-Bllokut.
“Kisha kohë që e mendoja këtë gjë, madje, kisha kërkuar në shumë
argjendari kryesore të Tiranës, kisha parë edhe në internet, por askush
nuk ngjiste për luaneshën time. Më në fund tani (dje) e vendosa dhe si
“kumbarë” janë edhe Torrosi dhe Algeni. Është diçka e veçantë dhe jo
si të gjithë të tjerat. Ka kushtuar 6500 euro dhe e kam vendosur t’ia
jap sapo të dalë nga “Big Brother”