Rozana Radi: “Puthjen e parë e kam marrë në vit të parë të shkollës së mesme”

Këngëtarja dhe aktorja e talentuar flet për dashurinë, meshkujt, udhëtimet
dhe karrierën e saj artistike.
“Më bëjnë shumë komplimente për vithet dhe buzët”. Kam shumë miq të mirë
politikanë, por nuk kam ndjerë ndonjë reagim prej tyre”.

Rozana Radi është një femër që i ka provuar të gjitha gjinitë artistike:
Aktore, këngëtare, prezantuese dhe autore e shquar tekstesh. Në të gjitha këto
gjini të rëndësishme arti ajo ka shprehur talentin e saj të rrallë. Nisur nga ky
talent, ajo aktualisht është një ndër femrat më të njohura në Shqipëri dhe në
diasporë. Aktualisht ndodhet në Kosovë në një spektakël të rëndisishëm që po
zhvillohet atje, por sytë dhe zemrën i ka tek Shqipëria. Në këtë intervistë ajo
tregon gjithçka mbi privatësinë e saj, nga puthja e parë deri tek e fundit.
Zj. Rozana, Për shqiptarët tashmë jeni një këngëtare dhe një femër
shumë e adhuruar. Të pëlqen kjo gjë?
Më pëlqen shumë. Për këtë kam luftuar dhe kam sakrifikuar shumë nga puna ime
e kushtueshme.
Pika juaj e dobët janë veshjet intime, apo jo?
(Qesh). Përditë nuk rri në dyqan pa i parë dhe pa i blerë.
Cila pjesë e trupit tënd të pëlqen?
Më pëlqejnë shumë vithet dhe buzët.
Për cilën pjesë të trupit të bëjnë më shumë komplimente
meshkujt?
Për vithet dhe buzët.
Mund të më thoni thënien më interesante që ke marrë nga një
mashkull?
Është kjo thënia e një djali: “Nëse t’i më bën të ndihem mashkull,atëherë unë
të vlerësoj ty për të gjithë meshkujt që ke kaluar”.
Jeni puthur ndonjëherë?
Natyrisht që jam puthur. Në këtë moshë që jam, është turp të mos jem
puthur.

Kur e keni marrë puthjen e parë dhe si jeni ndjerë?
E kam marrë në vit të parë të shkollës së mesme, Kjo puthje nuk më bëri fare
përshtypje.
E kujton shpesh atë puthje?
Jo, e kam harruar.
Siç duket ai mashkull nuk paska ditur të puth, pasi nuk të ka joshur
aq sa duhet?
Ndoshta … Edhe po të më kish joshur , nuk do ta merrja për burrë.
Mashkullin e jetës do ta zgjidhje nga egërsia në sek apo nga diçka
tjetër?
(Qesh). …Janë shumë gjëra në përzgjedhje.
Shihni ëndrra me meshkuj natën?
Jo, fare.
Ka rënë ndonjë politikan, apo afarist i madh në kurthin tuaj
erotik?
Unë kam shumë miq politikanë. Duhet të pyesësh ata për këtë, sepse unë nuk
kam parë ndonjë reagim të tyre. Vetëm pimë kafe. Kaq! Ndofta druhen nga unë.
Të pëlqen t’u ngresh kurthe erotike njerëzve të tillë, kur dihet që
ata janë tipa të dobët dhe bien shpejt në kurthin e vajzave të bukura dhe
joshëse, siç jeni dhe ju?
Politikanët për mua janë artistë të patalentuar. Unë nuk dua të kem në krahë
një mashkull politikan.
Në skenë anoni më shumë nga ekstravaganca. Mendoni se kjo është dhe
karemi juaj që tërhiqni më shumë fansat?
Unë nuk jam ekstravagante?! Unë nuk e mbaj veten për të tillë, ndonëse e
ndjek shumë modën.
Për çfarë ëndërron më shumë Rozana Radi?
Për një mashkull të mirë në krah.
Çfarë cilësish duhet të ketë ai?
E para dhe më kryesorja të më bëjë të ndihem femër.
Të pëlqen më shumë martesa apo bashkëjetesa?
Martesa.
Sa fëmijë ëndërron të kesh?
Ëndërroj të kem dy fëmijë.
Mendoni se dashuria për shumë vajza është kopësht ku rriten
trëndafila dhe gjëmba?
Nuk e di.
Të pëlqen të adhurohesh nga meshkujt?
Shumë.
Kur e ke marrë ngacmimin e parë për martesë?
Në klasë të tetë.
Si të tha konkretisht?
Ndalo, po nuk ndalove të vrava.
Dhe ti ndalove?
Jo, i’a futa me vrap.

Në atë çast të erdhi mirë apo keq?
Cilës vajzë i vjen keq nga ngacmimet e djemve.
Atëherë përse nuk ndalove?
Nuk e di.
Ju i keni propozuar ndonjë mashkulli?
Unë?! Unë se bëj dot. Do ta kisha pritur gjithë jetën, por ti thoja e para,
unë të dua, nuk do ta bëja kurrë.
Ju shoh që udhëton shpesh në perëndim. Kjo tregon që juve ju pëlqejnë
shumë udhëtimet?
Më pëlqejnë shumë. Udhëtoj pothuajse çdo javë.
Nga këto udhëtime ke rënë në kurthin e ëmbël të ndonjë mashkulli të
huaj?
Nuk më ka rënë rasti. Kam patur kontakte vetëm me shqiptarët.
Në një interviste në Top Channel, Ema Andrea, shfaq mendimin e sa
meshkujt shqiptarë nuk janë bashkëshortë të mirë?
Ema ka qenë e martuar me një të huaj dhe është ndarë me të. Unë nuk jam
martuar. Kur të martohem do ta bëj burrin tim shqiptar të sillet shumë mirë me
mua.
Kë mendoni të zgjidhni për shokë jete: Shqiptarin apo të
huajin?
Shiko….! Meshkujt shqiptarë mendojnë që vetëm ata duhet të vendosin për çdo
gjë në çift. Këtë unë nuk e pranoj. Jam e sigurtë që nuk ka vend për një
mashkull të tillë në jetën time.
Vajzave shqiptare ju mungon guximi, por ama përdorin forma të tjera
joshëse për të shtënë në dorë një mashkull?
Unë flas për veten time, nuk flas për vajzat e tjera. Megjithatë një mashkull
që nuk është i denjë të më thotë: Të dua! ai mashkull nuk është për mua.
Ekziston ndonjë mashkull që ta prish gjumin e natës?
Po. Ekziston, por ai nuk është këngëtari kosovar, Sabri Fejzullahu.
Artistët dhe super starët e botës shpeshherë elektrizojnë publikun
duke u zhveshur në skenë. Ju mendoni për surpriza të tilla?
Nuk ma merre mendja. Këtë mund ta bëja në ndonjë skenë filmi apo në teatër.
Për sa i përket zhanrit të këngës nuk kam pse ta afroj publikun duke bërë gjëra
të tilla.
Domethënë, vetëm në teatër, apo në film ju mund t’i ofroni publikut
surpriza të tilla?
Një njeri që bëhet aktor , qoftë femër apo mashkull duhet t’i marrë parasysh
të gjitha.
Juve ju kanë ofruar role të tilla seksuale?
Më kanë ofruar. Madje dhe rolin e prostitutës tek telenovela e njohur
shqiptare “Njerëz dhe fate”.
Shkoni shpesh në disko?
Jo. Nuk më pëlqejnë shumë. Shkoj vetëm kur më ftojnë në ndonjë ditëlindje.
Pëlqej lokalet e qeta dhe të shtrenjta.
Cili qytet të ka bërë më shumë përshtypje nga koncertet e shumta që
ke zhvilluar në Shqipëri dhe në Evropë?
Më shumë përshtypje më ka bërë kryeqyteti i Anglisë, Londra.

Domethënë keni frekuentuar dhe diskot e Londrës?!
Po. I kam frekuentuar të gjitha.
Na tregoni dëshirat dhe ëndrrat e tua?
Kam dëshirë të jem në krahë të Adi Krastës si prezantuese. Të interpretoj një
rol kryesor duke patur si partner Ndriçim Xhepën dhe të luaj në skenën e Cine
Citas në Itali. Më pëlqen të martohem me filmin, por duke mbajtur si dashnor
teatrin, sepse dashnori të duhet më shumë. Gjithashtu, duke qenë se më pëlqejnë
shumë makinat më pëlqen të më dhurojnë një“Jeep” të prodhimit të fundit.
Rrridhni nga një familje e njohur artistësh. Babai juaj ka qenë një
aktor i madh. Po kështu dhe motra juaj, Andeta dhe Françesk Radi janë shumë të
njohur në publik për krijimtarinë e artë artistike. Mendoni se kjo atmosferë
artistikeju ka nxitur edhe juve ju të merreni
me art?

Unë jam kopje origjinale e babait tim. Ai më ka ushqyer gjithmonë dashurinë
për aktrimin dhe muzikën. Më ka bërë të kuptoj që artisti nuk vdes kurrë.
Keni mbaruar për aktrim, por ndërkohë njiheni dhe si një këngëtare e
talentuar në Shqipëri dhe në diasporë. Të pëlqen më shumë kënga apo
aktrimi?
Ka shumë këngëtare, duke filluar nga Justina Aliaj dhe Vaçe Zela që kanë
mbaruar për aktrim, por që veten e kanë gjetur më mirë te kënga se tek aktrimi.
Unë i kam bërë mrekullisht të dyja; edhe këngën edhe aktrimin, por nuk di si më
ka pritur publiku. Më kanë pëlqyer apo jo? Besoj që kam sjellë diçka të re si në
këngë ashtu edhe në skenë, në teatër apo në kinematografi.
Si të duket kur dëgjon shumë këngëtarë të njohur të këndojnë me
tekstin që keni thurur ju për ta?
Më duket sikur shoh një copëz nga jeta ime. Pothuajse të gjitha tekstet që
kam shkruar me dorën time , unë i kam të përjetuara. Përshembull, kur këndon
Jolanda Dhamo këngën me tekstin tim, më kujtohet jeta ime: “
“Buzët m’u
ndanë nga buzët e tua,
M’u shua zjarri i kënaqësisë,
Duart nuk ndjejnë trupin tënd,
Djalë të mori mëngjezi…
Kush është Rozana Radi
Rozana Radi është e njohur si aktore, poete dhe si një këngëtare shumë e
talentuar. Është shumë e sinqertë dhe shumë kërkuese ndaj vetes dhe ndaj asaj
që kërkon të realizojë. Ka nxjerrë disa albume, dhjetra videoklipe dhe ka
interpretuar në shumë filma dhe telenovela. Gjithashtu ka prezantuar disa
aktivitetet të rëndësishme në Shqipëri dhe në Kosovë. Ka dhënë shumë koncerte
në Ballkan, Europë dhe SH.B.A. Kompozitorët e saj kryesorë janë: Elton Deda,
Françesk Radi, Ardian Asllani dhe Erol Jakupi. Në shumicën e rasteve tekstet e
këngëve të saj i shkruan vetë, por shkruan tekste dhe për këngëtarët të
tjerë.
Kam dëshirë të jem në krahë të Adi Krastës si prezantuese. Të interpretoj një
rol kryesor duke patur si partner Ndriçim Xhepën dhe të luaj në skenën e Cine
Citas në Itali. Më pëlqen të martohem me filmin, por duke mbajtur si dashnor
teatrin, sepse dashnori të duhet më shumë. Gjithashtu, duke qenë se më pëlqejnë
shumë makinat më pëlqen të më dhurojnë një“Jeep” të prodhimit të fundit.
Pasaporta
Datëlindja: 6 korrik 1979
Origjina: Nga mami greke, nga babai kosovare
Vendlindja: Tiranë
Ngjyra e syve: Kafe e errët
Gjatësia: 1.69
Shkollim: Aktore
Hobby: Muzika
Shenja zodiake: Hipizmi
Ngjyra në veshje: Klasike
Pija e preferuar: Martini
Masa xhelozisë: Shumë xheloze
Gëja qëurren: Gënjeshtra
E veçanta: Shumë sensibël
Muzikaqë pëlqen: Xhaz
Qyteti i preferuar: Londra
Vesi: Pi cigare
Gjëja që pëlqen: makinat
Shkrimtari idhull: Leo Buskalia
Thënie pikante nga Rozana Radi:
.Ëndërroj në mashkull të mirë në krah.
.Mashkulli që do dua të më bëjë të ndihem femër
.Do ta bëj burrin tim të sillet mirë me mua.
.Jam e sigurtë që nuk do ketë mashkull shqiptar në jetën time
.Një mashkull që nuk është i denjë të më thotë, të dua nuk është për mua
.Ekziston një mashkull që ma prish gjumin e natës, por nuk është Sabri
Fejzullahu
.Unë kam shumë miq politikanë, por nuk kam ndjerë ndonjë reagim të tyre.
.Politikanët për mua janë artistë të patelantuar, ndaj nuk dua të kem në krah
një mashkull politikan.