Zanfina Ismajli: Në menynë time ka makarona çdo ditë

Këngëtarja seksi Zanfina Ismaili, edhe pse është gjithmonë në formë
të shkëlqyer fizike, ka bërë me dije se konsumon shumë makarona.
Tingëllon pak i çuditshëm ky pohim, pasi dihet se të konsumosh
karbohidrate me shumicë, si në rastin e makaronave, është paksa e
vështirë të ruash linjat perfekte sikurse Zanfina, e cila në fakt këto
kohë sikur ka humbur paksa në peshë.


Motra seksi e divës, Adelina Ismajli, na ka surprizuar kur ka thënë
se ushqimi i saj i preferuar janë pikërisht spagetit. “Makaronat i
preferoj shumë dhe i konsumoj thuajse çdo darkë. Kjo është një meny që
nuk e kam ndërruar prej shumë vitesh, edhe pse bëhet fjalë për brumëra
që të shtojnë mjaft në peshë. Mirëpo, unë asnjëherë nuk kam pasur
probleme me peshën trupore, prandaj asnjëherë nuk i kushtoj rëndësi
ushqimit. Jam e kënaqur me linjat trupore dhe uroj që të jem e tillë
gjithnjë”, – ka thënë këngëtarja, e cila pritet që këto ditë të nxjerrë
në tregun muzikor klipin e saj më të ri, xhirimet e të cilit sapo kanë
mbaruar. Gjithsesi, e sigurt është që pas deklaratës së Zanfinës, shumë
vajza nuk do t’ia rezervojnë vetes makaronat ose ndoshta do të kërkojnë
një “sekret” të elegancës që Zanfina nuk e ka bërë ende me dije! Gazeta
Standard