Adelina Berisha: Do hedh ne gjyq Greta dhe Eni Kocin

Adelina Berisha, e cila këto ditë ka qenë në qendër të vëmendjes së
medieve për shkak të disa fotove ku ajo shfaqej pa të brendshme në një
koncert, ka reaguar menjëherë për postimin e këtyre fotove, duke thënë
që ka pasur veshur të brendshme. Gjatë një prononcimi për mediet
kosovare, Adelina është shprehur se pas këtyre fotove fshihen dy motrat,
këngëtaret Greta dhe Eni Koçi. Sipas Adelinës, motrat Koçi kanë xhelozi
ndaj këngëtares dhe këto shkrime e foto kanë dalë pikërisht nga duart e
tyre. “Prej një kohe të gjatë motrat Koçi dëshirojnë të “kapen” me mua.
Ato janë duke publikuar shkrime dhe foto jo të këndshme për mua në një
gazetë që menaxhojnë në Shqipëri. Këto foto janë postuar edhe në mediet
kosovare. Nuk është e vërtet që unë kam dal pa të brendshme në koncert.
Kam pasur veshur një minifund, por kam pasur veshur të brendshme”, – ka
thënë Adelina. Këngëtarja ka pohuar se e gjithë kjo “rrëmujë” është
shkaktuar sepse, sipas saj, Greta dhe Emi janë shumë ziliqare ndaj
Adelinës: “Duke qenë se unë kam më shumë famë sesa ato të dyja”, – ka
thënë ajo. “Unë merrem që e vogël me muzikë. Kam shumë më tepër fansa
sesa ato, si në Kosovë, ashtu edhe në Shqipëri. Unë nuk kam dashur të
reagoj deri më tani sepse kam menduar që do të ndalen, por kjo e fundit
nuk ishte aspak e “lezetshme”. Do të padis në gjyq Greta dhe Eni Koçin
dhe jam shumë e bindur që do ta fitoj gjyqin, sepse të gjitha çfarë ato
kanë thënë për mua, si dhe fotot që janë postuar, nuk janë të vërteta,
dhe në fund unë do të dal fituese”, – ka thënë Adelina, e cila këto ditë
do të sjellë videoklipin e saj më të ri.