Tiranë, grabitet kazinoja te “Zogu i Zi

Është grabitur një kazino në zonën e “Zogut të Zi” në Tiranë. Burime nga policia bëjnë të ditur se dy persona të armatosur që dyshohet të jenë në një mosh të re, kanë hyrë në kazino dhe nën kërcënimin e armëve kanë grabitur një shumë të konsiderueshme parash.

Ngjarja ka ndodhur mbrëmjen e së shtunës rreth orës 23.45, ndërsa policia mbërriti në vendngjarje pak çaste pas ngjarjes për të nisur hetimet për identifikimin dhe zbradhjen e plotë të ngjarjes. Procedurat e para hetimore të policisë kanë konsistuar në mbledhjen e shenjave të gishtërinjve të gjetura në vendngjarje si dhe duke marrë në pyetje dëshmitarët si dhe punonjësit e kazinosë.

Autorët e kësaj ngjarje janë larguar në drejtim të paditur të ndihmuar edhe nga errësira, ndërsa policia nuk jep detaje të hollësishme rreth identifikimit apo fakteve të tjera për shkak të hetimeve.