Miss Serbia: Nuk e pranova Kosovën

Ana Sharanoviqit, Miss Serbia Universe i është kërkuar llogari nga
mediat serbe për fotografinë e saj me Miss Kosova Universe, Afërdita
Dreshaj, pasi që gjestin e saj e kanë kuptuar si pranim të pavarësisë së
Kosovës.

Ana ka thënë se këtë e ka bërë nga mirësjellja, dhe nëse i vjen rasti
në Brazil do të thotë se Kosova është pjesë e Serbisë. “Ka qenë
mirësjellje, virtyt i shtetit që e përfaqësoj. Nuk mund të ikja nga
kuadri. Me krejt zemrën e përkrahi politikën dhe luftën e shtetit tonë,
prandaj kjo fotografi nuk është asnjë pranim, por marrëdhënie kulturore
në nivel personal. Kur të mundem të flas zyrtarisht, natyrisht se do të
them se Kosova është Serbi dhe Jeruzalem i Serbisë”, ka thënë Miss
Serbia.