Flori Mumajesi: Elvana eshte me e mira

Duke qenë se revistat në Shqipëri më së shumti janë të “uzurpuara” nga
femrat, kantautori hitbërës Flor Mumajesi ka gjetur një tjetër tribunë
për t’u rrëfyer. Pikërisht revistën “Select”, që botohet në Kosovë, për
të cilën edhe ka realizuar një set fotografish mjaft interesant, me
fotografin e njohur Avni Selmani. Por përveç fotos, ajo që bie në sy
është titulli i intervistës: “Elvana është më e mira!”, e thënë nga
Flori kjo është mëse e besueshme, por ta ketë pasur fjalën vetëm për
muzikën Flori, kur thotë Elvana është më e mira?! Në fakt, duke iu
referuar edhe komenteve të fundit për një marrëdhënie mes tij dhe
këngëtares së suksesshme Elvana Gjata, kjo thënie do të merrte tjetër
kuptim… Por që sigurisht vetëm me një fjali nuk mund të arrijmë në
konkluzione, kështu që kuriozët le ta zbulojnë përmes kësaj interviste
(edhe pse në fakt ajo botohet vetëm në Kosovë)…!