Rekordet e Mesit

Me një shtatlartësi prej 1 metër e 69 centimetrash, ky lojtar i jashtëzakonshëm po trondit dhe frikëson çdo gjigand. i ardhur në vitin 2000 tek Barcelona, ndërsa ishte vetëm 12-13 vjeç, Mesi u rrit bashkë me klubin, bashkë me shokët e tij të skuadrës si Pedro, Buskets, Pike, por edhe Andres Iniesta apo Ksavi Hernandez.

Është apo nuk është më i miri në botë, kjo ka kohë për t’u përcaktuar, por sot për sot na mjafton kënaqësia të flasim për atë që ai bën në fushë. Lionel Mesi jo vetëm ka fituar 3 kupa të kampionëve dhe 4 tituj kampioni të Spanjës, por edhe ka arritur të shënojë 37 gola në 57 ndeshje në Champions, në moshën vetëm 23-vjeçare.

I linduri më 24 qershor 1987, atë e ndajnë shumë pak ditë nga 24-vjetori, ndërsa numri 10 i Barcelonës besohet se do të arrijë ta thyejë rekordin e golave në Ligën e Kampionëve, rekord që mbahet nga Raul Gonzales me 71 të tillë, ndërsa po kështu mund të thyejë rekordin e golave të shënuar në tërësi në kupat e Europës, shifër prej 72 golash dhe që i përket sërish Raulit.

Me një shtatlartësi thuajse banale, prej 1 metër e 69 centimetrash, ky lojtar i jashtëzakonshëm po trondit dhe frikëson çdo gjigand. i ardhur në vitin 2000 tek Barcelona, ndërsa ishte vetëm 12-13 vjeç, Mesi u rrit bashkë me klubin, bashkë me shokët e tij të skuadrës si Pedro, Buskets, Pike, por edhe Andres Iniesta apo Ksavi Hernandez.

Karriera e tij është e jashtëzakonshme sepse ka luajtur plot 7 sezone për katalanasit, duke nisur që nga mosha 16-17-vjeçare. Momenti-kyç i kësaj karriere ka qenë vera e vitit 2008, kur ai mbushi 21 vjeç dhe kur Barcelona i dha skeptrin e liderit me t’u larguar legjenda tjetër Ronaldinjo.

Mesi nuk zhgënjeu. Ai shënoi në 3 sezone, nga viti 2008 deri më tani, plot 138 gola në 158 ndeshje, shifra që mund të preken vetëm nga një tjetër legjendë si Kristiano Ronaldo, ndërsa në total, Leo ka shënuar 210 gola në 358 ndeshje, përfshi edhe ato me Argjentinën. Por kur vjen puna tek asistët, Mesi nuk ka shok, me 53 të tillë në 3 vjet. Nuk dihet se ku do të ndalojë, por ndershmërisht i ka të gjitha që të shpallet më i miri i historisë ditën kur të tërhiqet nga futbolli.

Sportnews