Fundi i botës, më 21 maj 2011?

Lajme shqip-Fundi i botës është pak më afër. Pas parashikimeve për
Armagedonin në vitin 2012, data e re për ditën e fundit të botës është
21 maji 2011. Me dhjetëra billborde e pankarte ku shkruhej “Mbane mend
këtë datë, Kthimi i Krishtit, 11 maj, 2011” janë lëshuar nga manifestues
gjatë javës në “Times Square” të Nju Jorkut.
Manifestuesit kanë shpërndarë fletushka duke tërhequr vëmendjen
lidhur me fenomenin në fjalë. Sipas tyre, kjo datë është e saktë pasi
garantohet në Bibël.
“Në Bibël”, siç shpjegojnë ata, “Zoti thotë se një ditë është sa një mijë vjet”.
“Pra, në qoftë se një javë është shtatë mijë vjet, ne e dimë se kur
Perëndia i tha Noas (emri i një patriku biblik më i rëndësishmi pas
Adamit dhe përpara Avrahamit), i cili kishte shtatë ditë për të ikur
para shkatërrimit universal, ai ishte gjithashtu duke i thënë botës se
kanë mbetur 7000 vjet për t’i shpëtuar zemërimit të Perëndisë në Ditën e
Gjykimit”, thuhet në pankartat e shpërndara në “Time’s Square”.
Llogaritjet vazhdojnë më tej duke thënë se shtatë vjet pas vitit
4990, arrijmë në vitin 2012 pas Krishtit. Por një vit duhet të hiqet
sepse kalendari ynë nuk ka llogaritur një vit. Pra, 4990+2011-1=7000.
Por, përse 21 maji? Thjesht: kjo është dita e shtatëmbëdhjetë e
muajit të dytë, sipas kalendarit biblik. Dhe përmbytja e madhe ka
ndodhur vetëm në ditën e shtatëmbëdhjetë të muajit të dytë