Filmat vizatimor, të rrezikshëm

Tom dhe Jerry nxisin sjelljen e dhunshme. Kështu pohon një studim amerikan.
Ekspertët përcollën fëmijët e moshës mes 2 dhe 5-vjeçare, dhe erdhën
në përfundim se filmat e vizatuar janë të rrezikshëm, sepse i mësojnë
fëmijët se sjellja e dhunshme nuk është e dënueshme.
Ekspertët po ashtu pajtohen se filmat e vizatuar ndikojnë negativisht në
masë shumë më të madhe tek djemtë sesa që konsiderohej deri më tani.
Djemtë e vegjël, të moshës mes 2 dhe 5-vjeçare, të cilët shikojnë
rregullisht filma të vizatuar bëhen shumë më agresivë dhe më jotolerantë
në moshën e mëvonshme se sa moshatarët e tyre që janë rritur pa idhujt e
tyre të vizatuar.
Një numër i madh i prindërve filmat e vizatuar i konsiderojnë
plotësisht të parrezikshëm, madje edhe spirituoz – sepse ata, edhe
ashtu, s’kanë asnjë lidhje me realitetin. Mirëpo, fakti që
kryepersonazhet e filmave të vizatuar mund ta godasin me karrige në kokë
mikun e tyre, aq sa të kenë qejf, dhe që për këtë të mos japin kurrfarë
llogarie, vogëlushëve u krijon një perceptim të gabuar për klasifikimin
e dhunës në jetën e tyre reale.
Madje, nuk duhet assesi të harrohet as fakti tjetër, se tek fëmijët e
kësaj moshe mund të ndikohet tejet lehtësisht. Qoftë nëse bëhet fjalë
për ndikim të keq, ose për të mirë.
Është interesant pohimi i autorëve të studimit amerikanë, se vajzat
që në po atë moshë i shikojnë të njëjtit filma të vizatuar, në periudhat
e mëvonshme të jetës sillen në mënyrë asociale.transmeton DW. Madje,
thuhet se filmat e vizatuar agresivë, si Pokemon apo të ngjashëm me të,
tek fëmijët ndikojnë plotësisht njësoj sikurse lojërat agresive – që
temë kanë vrasjen e njerëzve – tek të rinjtë dhe adoleshentët.
Sido që të jetë, dhuna në filmat e vizatuar del të jetë një problem vërtet evident.