Botërori 2022, re artificiale kundër vapës

nga **almi** Wed Mar 23, 2011 10:14 am

Inxhinjerët në Katar
po studiojnë mundësinë e krijimit të një reje artificiale, e cila do të
ftohë klimën dhe do të bëjë të mundur zhvillimin e Botërorit në verë,
pa vuajtur vapën e jashtëzakonshme në vendin e Gadishullit Arabik.

Nëse kjo zgjidhje do të realizohet,
atëherë nuk do të lindë nevoja për të spostuar Botërorin në dimër, një
ide e hedhur më parë nga presidenti i FIFA-s, Sepp Blatter.

Mundësia e kësaj zgjidhje teknologjike u publikua sot në faqet e të
përditshmes “The Peninsula”, gazeta më e madhe në Katar, që i referohej
një studimi të Universitetit mekanik e industrial të Katarit.

Projekti parashikon krijimin e një reje artificiale me 100% karbon të
lehtë, që do të krijohet nga motorë që punojnë me energji diellore. Duke
vendosur këtë pajisje mbi stadiume, ajo do të shmangte depërtimin e
rrezeve të nxehta, duke bërë që temperatura të mbetej në nivele të
pranueshme.

Ndonëse pajisjet kushtojnë, ato do të jepen falas nga prodhuesit e tyre,
që synojnë të zgjerojnë markën e tyre me vendosjen në parkime apo
plazhe, ku nxehtësia gjatë verës përbën një problem.