Mbyllet zyrtarisht “Apartamenti 2XL”

“Apartamenti 2XL” nuk do të organizohet më gjatë vitit të ardhshëm.
Është ky lajmi që vjen nga dyert e “Vizion Plus”, prej nga ku mësuam si
në tymnajë edhe arsyet që sollën këtë vendim. Bëhet fjalë për një
konflikt brenda stafit të “2XL” i cili ka sjellë këtë pasojë fatale.


Kaq na kanë thënë në fillim informatorët tanë, të cilët ne nuk i
besuam shumë duke u nisur nga uniteti që kishim parë deri tani në grupin
e “2XL”. Lajmin na e kanë konfirmuar më pas edhe vetë aktorët të cilët
kanë theksuar se ky ka qenë një vendim i marrë nga lart dhe se asgjë nuk
është në dorën e tyre. Tentuam të kontaktonim edhe me producentin e
suksesshëm të këtij formati, Turjan Hyskën, por fatkeqësisht telefoni i
tij na rezultoi i fikur.
Suksesi
Që në sezonin e parë të tij ishte një ndër formatet që tërhoqi më
shumë audiencë, duke u kthyer kështu në një kohë rekord programi më i
ndjekur nga shqiptarët. Këtë veç sallës që gjithmonë ishte plotë, e
biletave që mbaronin pa filluar ende mirë java, na e provon edhe fakti
që ata janë formati i vetëm televiziv me aq shumë fansa në Facebook.
Aktorët
Treshen simpatike të “The SHBLSH” (Ermali, Juli, Genti) e kemi
ndjekur për herë të parë në “Portokalli”, ku u shënuan edhe fillimet e
tyre si aktorë komikë, mjaft të suksesshëm. Ribashkimi i tyre në
“Apartamentin 2XL” ishte një nga gjërat që i gëzoi më së shumti
shqiptarët, të cilët pas gjithe streseve dhe halleve të javës gjenin
qetësi në të dielën e çunave dhe gocës së “Apartamentit”. Lisa Kujofsa
ishte gjithashtu një element mjaft interesant për t’u ndjekur, sikundër
edhe banorët e tjerë që iu bashkangjitën show-t gjatë këtij sezoni.
VIP-at
Jo rrallë herë pjesë e këtij formati janë bërë edhe personazhe
publike, të cilët ruajnë kujtime shumë të bukura nga “Apartamenti”.
Momentet e humorit me VIP-at, situatat ku ato e gjenin veten dhe mërnyra
që zgjdhnin për t’ia dalë ishin vërtet interesante. Por ja që gjithçka
mbaroi dhe “Apartamenti” u mbyll. Shpresojmë vërtet që ky vendim të
rishikohet nga drejtuesit…