Shkrihen 120.000 km/2 akull në ditë

Qendra nacionale për borë dhe akull në qytetin Bouldera të shtetit federal amerikan Kolorado para pak ditësh ka publikuar të dhëna tepër interesante. Në korrikun e sivjetmë në Arktik secilën ditë treten nga 120 mijë kilometra katrorë akull, ose gati sa dhjetë herë Kosova. Nëse vazhdon ky ritëm, korriku i sivjetmë do të jetë rekord për nga sasia e akullit të shkrirë, prej kur ka filluar matja në vitin 1979.

Shkencëtarët pohojnë se shkrirja dhe ngrirja e serishme janë procese natyrore që gjatë vitit zhvillohen me intensitete të ndryshme. Në vjeshtë kur në hemisferën veriore temperaturat nisin të ulen, akulli nisë të zgjerohet nëpër paskajshmërinë e Arktikut dhe detyrave të tjerë. Ky proces vazhdon deri në pranverë, kur akulli sërish nisë të shkrihet , por sasia e akullit që krijohet gjatë dimrit prej vitit në vit ëhstë më e vogël.

Shkencëtarët kanë vlerësuar se Shkencëtarët kanë vërejtur se akulli sivjet ka filluar dy javë më herët se zakonisht, që dëshmon se sasia e përgjithshme e akullit të shkrirë sivjet do të jetë më e madhe se mesatarja vjetore. Meteorologët për pjesën e mbetur të korrikut presin temperaturë pak më të ulët, çka do të thotë se sasia e akullit që shkrihet secilën do të jetë afër “normales”.

“ Ende është herët të themi se a do të jetë ky rekord i ri, por gjithsesi është shqetësuese secilin vit në Arktik ka gjithnjë e më pak akull”, ka thënë udhëheqësja e qendrës, Julliane Stroeve.