Bleona: Paaftësia justifikohet me “nuk jam komercial”

Këngëtarja shqiptare Bleona Qerreti e cila po tenton të korrë sukses
në SHBA deklaron se “fituesi” i merr të gjitha. Për të fituar, pra për
të qenë e suksesshme Bleona është gati të sakrifikojë gjithçka.

“Gjërat nuk arrihen pa sakrifica dhe kjo është jeta që unë kam
zgjedhur. Zakonisht njerëzit çuditen këtu me mua që nuk dalë ose
shoqërohem me njerëz të tjerë dhe gjithmonë më bëjnë pyetjen: “Si është e
mundur që bën këtë lloj jete? Pse nuk del dhe të kënaqesh nëpër
party?”, thotë Bleona duke shtuar se “në momentin që do dëgjoj veten në
radio atëherë dhe vetëm atëherë do të jem e lumtur”.

Ajo thekson se suksesi është gjithmonë për më të mirë dhe nuk e pranon justifikimin e dështakëve.

“Të gjithë ata që janë të suksesshëm, janë të tillë sepse kanë këngë
të bukura. Kam idenë që tek ne paaftësia e disave justifikohet me termin
“unë nuk jam komercial”. Tek e fundit të gjithë artistët jetojnë nga
koncertet dhe biletat që njerëzit blejnë për t’i parë live”, shprehet
këngëtarja shqiptare